GRT işçilerini kutladılar Eni yıllan gagauz dilindä
11:06; 10 01 2016
0
1 687
«Gagauziya radio televizionu» kurumun işçilerini Eni yıllan gagauz dilindä kutladı radionun direktoru Mariya Parfönova.
О söledi, ki istämeer ayırmaa radiocuları hem televizioncuları, da kutlêêr hepsini.
«İsteerim hepsini kutlamaa bu gözäl Eni yıllan, da bakmayarak, nesoy o geler bizä, kaarlan mı, boorannan mı, yaamurlan mı, kaarşılamaa onu sevinmeliklän. Ko Yeni yıl getirsin sizin üreklerinizä herzaman güneşli havaları hem biraz raatlık», - söledi Mariya Parfönova.
Gagauz radiosunun direktoru adadı hepsi televizionculara, eni yılda onnarın programaları olsun en gözäl hem en ii.
«Ekrannarınızda da herzaman olsun o programalar, angıları getireceklär sevinmelik Gagauziyada yaşayannara. Radioculara isteerim söleyim, ko olsun kısmetli, varlıklı, güneşli yaşamanız, da sizin aylelerinizdä olsun raatlık hem uygunnuk », - çizdirdi Mariya Parfönova.
410
